IHE NDỊ NA-EWETA IHE MHIAMAHỤ NYE NDỊ NKỤZI IGBO N’ITINYE IGWE NKỤZI N’ỌRỤ NA NKỤZI ASỤSỤ IGBO

Abstract

O nweghị etu mmadụ ga-esi ga n’ihu n’ụwa nke taa ma ọ bụrụ na ọ maghị etu e si etinye igwe komputa n’ọrụ. Ọ bụ ya kpatara na ihe niile a na-eme n’ụwa taa bụ ozuru Igbo ọnụ maka na a na-eji igwe kọmputa zisaa ozi ọ bụla n’ụwa gburugburu n’otu ntabi anya. ICT emeela ka e nwee nnukwu ihe mgbanwe n’ọnọdụ nkuzi nke na mgbe na-abịa oge ọ ga-abụzi naanị ụlọ akwụkwọ ole na ole ka ga na-eji ụgbọ ojii na nzu edide akụziri ụmụ akwụkwọ ihe. Ihe bụzi egwu e ji ugbu a n’ọrụ nkụzi bụ mfanye efere ozi na kọmputa, iji ọwa ozi akụzi ihe, igwe ngosi projektọ, d.g. Ederede a gbara n’anwụ ihe ndị ahụ na-ewetara ndị nkụzi Igbo na ụmụ akwụkwọ ihe nhịamahụ n’iji igwe kọmputa na ọwa ozi amụ Igbo. Ọ kọwapụtakwara mkpa ọ dị ịgba ndị nkụzi na ụmụ akwụkwọ ume itinye ICT n’ọrụ na nkụzi na amụmakwụkwọ. A gbara ajụjụ ọnụ iji nweta ozi e ji kwado isi okwu ederede a. Site na nchọcha e mere, a chọpụtara na ọtụtụ ndị nkụzi asụsụ Igbo amabeghị etu e si e ji ICT akụzi ihe nke mere ka ọtụtụ ụmụ akwụkwọ ghara ịghọtakwa mkpa nke a dị. E si n’ihe ndị a chọpụtara wee tụa arọ ihe a ga-eme ka nsogbu nchọcha a belata. Ederede a ga-abara otu niile na-ahụ maka nchekwa asụsụ Igbo dị ka otu Subakwa Igbo uru n’ihi na ọ ga-eme ka ha mara usoro ọgbara ọhụrụ e si echekwa asụsụ Igbo na-achọ ịnwụ anwụ. Ọ ga-abara ndị na-edepụta ózí ńrò aka ịma ụdị ga-aka mma imeputa n’oge ọ bụla a nọ maka ezigbo nkụzi na nghọta asụsụ. Ederede a ga-abakwara ụmụ akwụkwọ Igbo uru n’ihi na ọ ga-enyere ha aka ịmụ Igbo n’ụzọ dị mfe n’onwe ha n’agbanyeghị ebe ọ bụla ha nọ n’ụwa.